Priskribo: Platlando priskribas dudimensian mondon, kies loĝantoj estas plurlateroj, dividitaj en malsamajn kastojn laŭ la nombro de siaj lateroj. La cirkloj estas de la plej alta kasto, kaj la rektaj linioj, la virinoj, apartenas al la plej malalta. La rakontanto, humila Kvadrato, klarigas al la legantoj kiamaniere la socio estas organizita kaj montras ĝiajn malfacilaĵojn en sprita maniero. Krom tiu ĉi dudimensia mondo, povas ekzisti ankaŭ 1- kaj 0-dimensiaj mondoj. Sed, ĉu ekzistus ankaŭ 3- kaj eĉ 4-dimensiaj mondoj?
Tiu ĉi romano estas delicaĵo por ŝatantoj de matematiko, pli precize geometrio, sed samtempe ĝi estas satiro kiu kritikas la socian hierarkion en la viktoriana epoko en kiu Abbott vivis.
