Kiam mi aŭdis pri tiu ĉi libro, mi pensis «jen denove rimvortaro por adasismemaj pseŭdopoetoj”. Leginte la
enkondukon de Inversa Vortaro de
Esperanto mia opinio draste ŝanĝiĝis.
Tiu ĉi libro efektive povas esti konsiderinda helpilo por terminologoj: kiuj radikoj plej oftas, tiuj kiuj finiĝas per
-et aŭ tiuj per -ed? Kiel nomiĝas la diversaj partoj de la haŭto? La vortaro
tuj indikas paĥidermo, ektodermo,
kserodermo ktp.
La inversa vortaro listigas 16 114
radikojn, nome ĉiujn de PIV kaj de ties
suplemento, tiujn de la Esperanta
bildvortaro, de la oka oficiala aldono
kaj de la listo de landnomoj eldonita
de la Akademio de Esperanto. Pro tio
ĝi verŝajne estas momente la plej
kompleta radikaro de l’ nuntempa Esperanto.
