Libroteko Tokio regalas la esperantistaron per reeldono de tiu ĉi libro de
Ihara Saikaku (1642-1694), eldonita
en 1686, priskribanta ne nur amoran
vivon de tiutempaj japanoj, sed ankaŭ
puran kaj sinceran amon. Pro ĝia liberalismo ĝin persekutis kaj cenzuris
prudaj japanaj registaroj, laŭlonge de
la vivo de la tiulanda imperiismo. La
tradukinto, Miyamoto Masao, forpasinta antaŭ nelonge, provizis sian
fluan redonon per glosaro, ekspliko kaj
komentaro (entute 26 paĝoj), kiuj faciligas la komprenon de naciaj apartaĵoj
al nejapanoj. La libro, bele presita, bindita kaj ilustrita, plenmerite trovos
lokon sur favora breto en la libroteko
de serioza kaj plezurema leganto. Ne
pro nenio ĝi aperis en la serio Oriento-Okcidento, ĉar, kiel skribis la tradukinto, la aŭtoro de ĉi tiu japana klasikaĵo „unuafoje en la japana literatura
historio defiis la ,problemon de mono
kaj sekso’”.
