Tinĉjo en Tibeto estas la plej nova eldono de tiu ĉi serio, jarojn post La Nigra Insulo kaj La Krabo kun Oraj Pinĉiloj. Kunlabore kun la franclingva eldonejo Casterman prizorgis la eldonon loka asocio Lille-Villeneuve Esperanto. Ties gvidanto Michel DECHY vizitis nian sidejon en 2005.04.16 kaj detale klarigis pri la eldonata verko kaj pri ĝia traduko — kiun ree faris Hervé GONIN, konata esperantista aŭtoro. La kunportita dekkvino da ekzempleroj plene disvendiĝis, krom unu donaco al la asocia biblioteko.
Tinĉjon en Tibeto oni konsideras la plej "matura" ero el la tuta 24-voluma serio. Per tiu ĉi eldono plu riĉiĝas Ia tradukita bildstria verkaro esperantlingva, kie ne mankas franciaj ĉefverkoj el la serioj Astérix (seso da!) kaj (ĵuse) Gaston Lagaffe — Gastono Lafuŝo. Bonus se belgaj, brazilaj aŭ usonaj esperantistoj simile entreprenus ĉe si... AMT
