La Aventuroj de Alico en Mirlando

• Verkinto: Lewis Carroll
• Tradukinto: Donald Broadribb
• Originala lingvo: angla
• Ilustrinto: John Tenniel
• Speco: por infanoj
• Haveblo: Eble mendebla
• Prezo: ±€15.50
• Eldonjaro: 2012
• Formo: libro glubindita
• Priskribo: Lewis Carroll estis la plumnomo de Charles Lutwidge Dodgson, lekciisto pri Matematiko ĉe Christ Church, Oksfordo. Lia fama rakonto originis dum remboata vojaĝo sur Tamizo en Oksfordo la 4an de julio 1862. Dodgson estis akompanata dum tiu ekskurso de Pastro Robinson Duckworth kaj tri junaj knabinoj: Alice Liddell, dekjara filino de la Dekano de Christ Church, kaj ŝiaj du fratinoj, Lorina kaj Edith, kiuj havis dek tri kaj ok jarojn respektive. Kiel evidentigas la enkonduka poemo, la tri junulinoj petegis rakonton de Dodgson, kaj do li iom heziteme komencis rakonti al ili fruan version de la historio, kiu fariĝos "Alice's Adventures in Wonderland." Sekve, estas nombro da duone kaŝitaj aludoj al la kvin kunvojaĝintoj tra la tuta teksto de la verko, kiun oni fine eldonis en 1865. La traduko de Donald Broadribb, "Alico en Mirlando," estis unue eldonita en 1996. Ĉi tiu libro estas la kvina eldono. Ĝi korektas kelkajn komposterarojn kaj negravajn malkonformaĵojn, kiuj restis en tiu teksto; krome, vortoj nun estas kursivigitaj multloke por konformi al uzo de kursivo por montri vortemfazon en la angla originalo. Ĉi tiu kvina eldono enhavas du nove tradukitajn poemojn: neniam antaŭe publikigitan tradukon de la enkonduka poemo priskribanta la boato-vojaĝon sur Tamizo, kaj tute reverkitan version de la „vosto-verso” en ĉapitro III, kiu nun pli ekzakte konformas al la metro de la angla originalo.
• Paĝoj: 120
• Larĝo: 140 mm
• Alto: 215 mm
• Pezo: 190 g
• ISBN: 978-1-904808-86-2
• Recenzo:
  • De Katarina (Brazilo): La aventuroj de Alicio en Mirlando de Lewis Carrol
• Pritakso: Aldoni mian pritakson