La Retbutiko
FEL, ĉiam io nova! Por skribi al ni
Indekso
Aktualaj kaj novaj temojĈefa FEL-indekso
Retbutiko
Eldonoj
Ekspedmanieroj
Via konto
Kiel pagi?
La IBAN-sistemo
Kreditkartoj
Adresŝanĝoj
Privilegiaj klientoj

Hunda koro / Fatalaj ovoj

  • Verkinto: Miĥail Bulgakov
  • Tradukinto: Klara Ilutoviĉ, Ludmila Novikova
  • Originala lingvo: rusa
  • Speco: novelo
  • Haveblo: En stoko
  • Prezo: €14.00
  • Priskribo: Novelo “Fatalaj ovoj”, verkita en 1924, estis publikigita en almanako “Nedra” (“Terinternaĵo”) en 1925. La aŭtoro, uzante misterajn kaj fikciajn elementojn, montras la eventojn de proksima estonto en la jaro 1928. La novelo unuafoje estis publikigita en Esperanto en almanako “Impeto’89” de la eldonejo “Progreso”. “Hunda koro”, verkita en 1925, estis unuafoje publikigita en la rusa nur en 1968 en Germanio, en revuo de rusiaj elmigrintoj “Edroj”. Prototipo de profesoro Preobraĵenskij en la novelo iĝis onklo de la aŭtoro, fama moskva kuracisto N.M. Pokrovskij.
  • Paĝoj: 181
  • Larĝo: 130 mm
  • Alto: 200 mm
  • Eldonjaro: 2012
  • Pezo: 204 g
  • ISBN: 978-5-7161-0241-5
  • Recenzo:
  • Pritakso: Aldoni mian pritakson
Retmesaĝo de novaj
FEL ĉe Facebook
FEL ĉe Twitter

Fatalaj ovoj


Januaro 2016
esperanto-sumoo.pl/recenzojan2016.html
Fatalaj Ovoj de M. Bulgakov, fama rusa verkisto, estas fikcia novelo kie la aŭtoro primokas la unuajn jarojn de vivo de la rusa popolo post la Granda Oktobra socialisma revolucio, kie ambiciaj nekompetentuloj ruinigis ĉion kaj la sciencajn eltrovaĵojn inkluzive. Tio estis alludo al Sovetia potenco, ĉar ĉie regis malbone edukitaj nekompetentaj homoj, kaj tio finfine kaŭzis malprofiton en ĉiuj sferoj de popola ekonomio.
La profesoro -zoologo Persikov malkovras specialan radion de lumo, per kiu oni povas kreskigi bestojn de nejrdinaraj dimensioj. Tamen tiun eltrovaĵon kaptas eksa kapabla flutisto, nun direktoro de la modela sovhozo (soveta mastrumaĵo) "Ruĝa Radio" Rokk, laŭnome. Li volas fari kokinajn ovojn uzante sciencan atingon de Persikov. La rakonto priskribas la terurajn rezultojn de tiu eksperimento. Erare Rokk ricevis la ovojn kiun li ne devis ricevi. Kaj helpe de la scienca luma radio el la ovoj elkoviĝis grandegaj serpentoj, krokodiloj, strutoj... Ili tre rapide reproduktiĝis kaj iĝis la nacio plago. Kaj tiuj bestoj mortigis multajn homojn. Paniko komenciĝis! Ĉiuj fortoj akumuliĝis en la lando por batalo kontraŭ la gigantaj mortigaj estaĵoj. La novelo havas tre malgajan finon. La homamaso mortigas senkulpan profesoron.

Montaro

Fatalaj ovoj


Januaro 2015
esperanto-sumoo.pl/recenzojan2015.html
La novelo Fatalaj ovoj de la granda rusa verkisto Miĥail Bulgakov (1891 – 1940) estis verkita en 1924. Ĝi prezentas fikcian aventuran rakonton pri nerealaj peripetioj, kiuj ene de kelkaj jaroj okazas en Moskvo kaj en Smolenska provinco, finiĝas en 1928 kaj estas ligitaj kun la nomo kaj scienca agado de profesoro-zoologo Persikov. Profesoro Persikov hazarde malkovras nekonatan ruĝan lumon akcelantan la evoluon de ĉeloj kaj enorme rapidan reproduktiĝon de organismoj. Tiun ĉi lumon provas praktike uzi provinca laiko. Pro hazarda konfuzo en liajn ruĝlumajn kamerojn trafas ne kokinaj ovoj, sed ovoj de diversaj teruraj reptilioj, kiuj rapide maturiĝas, invadas la tutan regionon kaj senkompate atakas homojn.
La legantoj de ĉi tiu verko povas observi Moskvon kaj multajn interesajn detalojn el la vivo de moskvanoj en la 20aj jaroj de la 19-a jarcento komence de la bolŝevika epoko en la iama cara Rusio.
La unua eldono de la Esperanta traduko, lerte farita de Ludmila Novikova, aperis en 1990, la dua en 2012.
La libro estas rekomendata por legado al ŝatantoj de fantasta beletra ĝenro kaj al analizemaj legantoj pretaj ĝui interesan lingvaĵon.

Vladimir Opletajev, Surgut (Rusio)

Mia pritakso

Steloj:
FEL-kodo Pasvorto (pasvorto forgesita)

Ne pli ol 250 signoj. Eblas uzi iksojn por E-literoj. Se vi faris eraron, pritaksu denove. La malnova versio estos viŝita.