Dipika
Knabino el Sri-Lanko

”Dipika, knabino el Sri-Lanko” kaj ”Matuteo, Infano el Latina Ameriko” estas malgrandaj kaj simplaj laŭforme, sed interesaj enhave. Dipika vendas loteriajn biletojn por enspezi monon. La knabo Matuteo preparas glaciaĵon. En ambaŭ libroj okazas kaj agrablaj kaj malagrablaj aferoj. En ambaŭ libroj legado de libroj tamen havas gravan rolon. La libroj celas komuniki al la leganto ke legado kaj edukado estas grava ankaŭ por infanoj en tiuj landoj, kie infanoj devas labori.
La libroj estas optimismaj pro tio ke ili montras ke ankaŭ malriĉaj infanoj povas multon fari por ŝanĝi sian situacion.
La ilustraĵoj estas simplaj kaj belaj. La lingvaĵo estas simpla, sed ne malriĉa. La litertipo estas sufiĉe granda. La libroj estas interesaj kaj por infanoj ekde 8-jaraj ĝis plenkreskuloj. Ili ankaŭ estas bona legaĵo por komencantoj.

Leif Nordenstorm