La Retbutiko
FEL, ĉiam io nova! Por skribi al ni
Indekso
Aktualaj kaj novaj temojĈefa FEL-indekso
Retbutiko
Eldonoj
Ekspedmanieroj
Via konto
Kiel pagi?
La IBAN-sistemo
Kreditkartoj
Adresŝanĝoj
Privilegiaj klientoj

Ĉu vi parolas Esperante?

  • Verkinto: Andrzej Pettyn
  • Speco: lernilo/vortaro/informilo
  • Haveblo: En stoko
  • Prezo: €29.50
  • Eldonjaro: 1999
  • Priskribo: Kurso por hejma studado.
  • Paĝoj: 96
  • Alto: 210 mm
  • ISBN: 4888870136
  • Notoj: Libro kun 2 kompaktdiskoj
  • Recenzo:
    • De Bernard Golden: Malnovaj konversacioj en novaj kasedoj
    • Ĉu vi parolas Esperante?: Petro kaj Barbara tre gajaj kaj unikaj geedzoj. Ambaŭ estas Esperantistoj. Petro tre ŝatas korespondon kun alilandanoj. Kaj Barbara vizitadis Esperanto-kurson, kie diversaj viroj proksimiĝis al ŝi.
      Iun tagon Barbara iris kafejon kun iu viro, Petro sentas ĵaluzon pri tio, kaj ĉiam ŝi sentas ĵaluzon pri lia korespondantoj.
      La libro estas tre taŭga lernolibro. (Karasutengu - Internacia Esperanto-Sumoo Januaro 2017)
  • Pritakso: Aldoni mian pritakson
Retmesaĝo de novaj
FEL ĉe Facebook
FEL ĉe Twitter

Malnovaj konversacioj en novaj kasedoj

„Ĉu vi parolas Esperante?" estas ne nur malnova demando sed ankaŭ malnova kursotitolo. La konversacia tekst-libro, kiu estis reeldonita en 1990, efektive estas senŝanĝa represaĵo de samtitola broŝuro de la jaro 1970. La aŭtoro forprenis de la breto sian malnovan dialogaron, kiun akompanis kvar diskoj, kaj forblovis la polvon kuŝantan sur ĝi, sed faris neniun provon aktualigi la enhavon kaj plivigligi la prezentadon. La eldonisto surmerkatigis tiun malnovan panon en nova pakumo, konsistanta el du sonkadedoj. La kurso ne estas por uzo de veraj komencantoj sed por tiuj, kiuj jam lernis la rudimentojn de la gramatiko kaj havas sufiĉe grandan vort-provizon. Ne ekzistas apartaj kajeroj kun traduko de la konversacioj en diversajn etnolingvojn, do ankaŭ vortaro estas bezonata. La dialogoj estas dividitaj en 28 lecionoj, ĉiuj voĉoj estas de poloj, la parolistoj de Radio Polonia. Laŭ la aŭtoro, la didaktika celo de la lecion-tekstoj estas doni konkretajn „fraz-modelojn”, kiujn oni alproprigu al si per ofta aŭskulado de la sonbendoj. Atentigendaj estas kelkaj demandoj pri la lingvouzo. Unu rilatas al diferencigo inter indikaj kaj demandaj frazoj, En la tekst-libro plurfoje troviĝas frazoj en kiuj mankas ,ĉu’ aŭ unu el la demandaj tabelvortoj: „Do via edzo estas esperantisto?”, „Korespondanto aŭ korespondantino?”, „Sed ja hieraŭ posttagmeze vi aĉetis ovojn?”, „Jes?” Kiel indiki en la parola lingvo, ke temas pri demandoj? Ne ekzistas en Esperanto reguloj por la intonacio de frazoj, do lernanto, kiu volas uzi la intonacion de sia gepatra lingvo, riskas miskomprenigi sin. Pro tio, la uzo de tiaj elipsaj frazoj ne estas rekomendinda en lerniloj.

Bernard Golden

Mia pritakso

Steloj:
FEL-kodo Pasvorto (pasvorto forgesita)

Ne pli ol 250 signoj. Eblas uzi iksojn por E-literoj. Se vi faris eraron, pritaksu denove. La malnova versio estos viŝita.