Per "The Night Stalker", "Special Unit 2" kaj The Dresden Files usonanoj jam konatiĝis kun la preternatura subtero de Ĉikago. Simile, legantoj de ĉi tiu romano povas konatiĝi kun la preternatura subtero de Moskvo.
| | Via "The Night Stalker", "Special Unit 2" and The Dresden Files Americans have already become acquainted with the supernatural underground of Chicago. Similarly, readers of this novel can get acquainted with the supernatural underground of Moscow.
|
| La 13-jara Egor, veturante per la metroo, subite aŭdas allogan muzikon. Elirinte el la metroo, li sekvas ĝin al flankstrato, kie li renkontis du gejunulojn kun longaj, akraj kaj malsataj dentoj.
| | The 13-year-old Egor, while traveling on the metro, suddenly hears attractive music. Leaving the metro, he follows it to a side street where he meets two young people with long, sharp and hungry teeth.
|
| En la sama metroo troviĝas Anton. Magiisto de meza potenco, Anton funkcias kiel "kontora rato" ĉe la Nokta Patrolo, reprezentantoj de la Lumo, kiuj luktas ne por sukcesigi la Bonon sed por malebligi senekvilibron inter Lumo kaj Obskuro, kiu povus konduki al monda katastrofo. La unuan fojon la ĉefo de la Nokta Patrolo donis al Anton operacan asignon, ke li eliru sur la stratojn por solvi ian ankoraŭ nedefinitan problemon. En la metroo Anton trovas tri: junan virinon kun super la kapo nedisipigebla ventokirlo, spuro de malbenego fiksita de malbona sed superpotenca magiisto, kiu povos mortigi la junan virinon kaj samtempe okazigi tutmondan katastrofon; la ĉasomuzikon de malsataj vampiroj; kaj junan knabon, kiu verŝajne havas ankoraŭ neformitajn sed grandegajn magiajn kapablojn. La tasko de Anton tra la tuta libro restas triobla: savi la junulinon — kaj la mondon — de la trombo, kiu estas preskaŭ preta kulmini; kapti kaj detrui neregistritan vampirinon; kaj konvinki la knabon elekti la vojon de la Lumo anstataŭ la multe pli facila sed ankaŭ multe malpli bona vojo de la Obskuro. Kaj li devas fari tion meze de kreskanta dubo pri la vera celo de la Nokta Patrolo.
| | In the same metro is Anton. A magician of average power, Anton functions as an "office rat" at the Night Patrol, representatives of the Light, who are fighting not to bring success to the Good but to make impossible a disequilibrium between Light and Darkness, which could lead to global catastrophe. For the first time the chief of the Night Patrol has given Anton an operational assignment, to go out onto the streets and solve some still undefined problem. In the metro Anton finds three: a young woman with a whirlwind that cannot be dissipated over her head, sign of a strong curse fixed by an evil but superpowerful magician, which will be able to kill the young woman and simultaneously cause a global catastrophe; the hunting music of hungry vampires; and a young boy who apparently has still unformed but huge magical capabilities. Anton's job through the entire book remains triple: to save the young woman — and the world — from the funnel, which is almost ready to reach its culmination; to catch and destroy an unregistered female vampire; and to convince the boy to choose the way of the Light instead of the much easier but also much worse way of the Darkness. And he has to do this amid growing doubt about the true purpose of the Night Patrol.
|
| Verŝajne, ĉi tiu estas la unua el tri volumoj, kiuj skizos la aventurojn kaj evoluadon de Anton, de Egor, kaj eble de Svetlana, la junulino kun la ventokirlo. Kaj mi certe volas vidi pli pri la arkta strigo Olga.
| | This is apparently the first of three volumes which will sketch the adventures and development of Anton, of Egor, and perhaps of Svetlana, the young woman with the whirlwind. And I certainly want to see more about the Arctic owl Olga.
|
| Grava problemo por mi estis la kvalito de la traduko. La tradukinto estis evidente kompetenta, sed la libro tekstis kiel malneto, kvazaŭ oni ne kontrolis ĉiujn dubindajn vortojn, trovis erarojn, poluris ĝin. Grava problemo ĉe Esperantaj eldonejoj ŝajnas esti manko de zorga redaktado, kaj Impeto evidente ne estas escepto al tiu regulo.
| | An important problem for me was the quality of the translation. The translator was obviously competent, but the book read like a draft, as if all doubtful words had not been checked, errors not found, no polishing had been done. An important problem at Esperanto publishers seems to be a lack of careful editing, and Impeto is obviously no exception to that rule.
|
| Mi unue rimarkis, ke en la unua frazo troviĝis la vorto rulŝtuparo, sed jam sur paĝo 18 ĝi nekonsekvence fariĝis eskalatoro. Nu, bone, mi diris al mi, sur paĝo 4 ni vidis tra la okuloj de Egor, sed sur paĝo 18 la vidpunkto jam estis tiu de Anton, do eble ili uzas malsamajn vortojn por la sama ilo.
| | I first observed that in the very first sentence there was the word rulŝtuparo (escalator), but as early as page 18 it had inconsistently become eskalatoro. Well, OK, I said to myself, on page 4 we're seeing through Egor's eyes, but on page 18 the viewpoint was already Anton's, and perhaps they use different words for the same instrument.
|
| Sed estas aliaj problemoj. Ekzemple, en unu loko pergamene fariĝis pergamente; kaj tra la tuta libro infero iel fariĝis inferno. Mi estis preta pardoni la tute neoficialan eksklamacii, sed ne la fakton, ke oni uzis ĝin ne kun ĝia PIVa difino sed simple kiel sinonimon de elkrii. Ktp.
| | But there are other problems. For example, in one place pergamene (on parchment) became pergamente; and through the entire book infero (Hell) somehow became inferno. I was ready to excuse the completely unofficial eksklamacii (to exclaim) but not the fact that it was used not with its PIV definition but simply as a synonym of elkrii. Etc.
|
| Efektive, mi rekomendus al Impeto iom pli atenti la kvaliton, per zorga redaktado kaj kritikado, de la du postaj tradukoj en la serio.
| | I would really recommend to Impeto to pay somewhat more attention to the quality, through careful editing and criticism, of the next two translations in the series.
|
| Tion dirinte, mi povas rekomendi la libron por tiuj, al kiuj plaĉas la nuntempa ĝenro de "urba fantazio". Ĝi ja estas sufiĉe interesa kaj nedemetebla rakonto.
| | Having said as much, I can recommend the book to those who like the modern genre of "urban fantasy". It is certainly a very interesting tale, one that you can't put down. |
