La Retbutiko
FEL, ĉiam io nova! Por skribi al ni
Indekso
Aktualaj kaj novaj temojĈefa FEL-indekso
Retbutiko
Eldonoj
Ekspedmanieroj
Via konto
Kiel pagi?
La IBAN-sistemo
Kreditkartoj
Adresŝanĝoj
Privilegiaj klientoj

Ne facilas esti ...
Sloveno en Italio

Retmesaĝo de novaj
FEL ĉe Facebook
FEL ĉe Twitter

Naciismo, ŝovinismo, iredentismo?

Donis al sia libro la provokan titolon „Ne facilas esti sloveno en Italio” slovendevena esperantistino kiu nun loĝas en la itala urbo Triesto. Ŝia celo estas prezenti la situacion de la slovena etna malplimulto aktuale loĝanta en la friulo-julvenetia regiono de la nord-okcidenta parto de Italio ĉe la landlimo de Jugoslavio. Apartaj ĉapitroj pritraktas la historion, geografion, demografion, ekonomion kaj politikon de la italŝtataj slovenoj. Poste sekvas prezento de kelkaj trajtoj de la slovena lingvo kaj ĉapitro pri slovena literaturo kaj ekzemploj de prozaj kaj poeziaj verkoj tradukitaj en Esperanto. Gravas la historia kaj demografia fono de la slovena problemaro. Aneksado de slovena etna teritorio fare de Italio komenciĝis en 1866, kaj okazis ankoraŭfoje en 1918 kaj 1921. Mapoj indikas kie tiuj regionoj situas. La teritorio aktuale priloĝata de la slovena malplimulto en Italio ampleksas zonon proksimume 30 km larĝan kaj 100 km longan en la provincoj Triesto, Udino kaj Gorico. Statistikoj pri la nombro de sloven-etnanoj en Italio varias. La aŭtorino opinias plej fidinda la ciferon 96 000, kiun donas SLORA, slovena esplor-instituto. La slovenoj do formas minoritaton, kiu estas iom pli ol 15% de la loĝantaro en la tri menciitaj provincoj.
Trapenetras la libron akuzado al la itala registaro kaj ankaŭ al la italoj pri diskriminacio kontraŭ la slovenoj. La plej multaj ekzemploj tamen rilatas al eventoj de la pasinteco, pri kiuj respondecis la faŝisma reĝimo.
Eldonis la libron „Internacia komitato por etnaj liberecoj” (IKEL), defendanto de la rajto de ekzisto de minoritataj popoloj, kulturoj kaj lingvoj. IKEL plene apogas ĉiujn pretendojn de la slovenoj loĝantaj en Italio. Ne estas neverŝajne, ke povos leviĝi ankaŭ la demando pri iredentismo. Kio okazos, se estontece estiĝos postulo, ke la 3000 kvadratkilometroj da italia teritorio priloĝata de slovenoj fariĝu integra parto de Slovenio? Tiu eblo ne estis pritraktita en la libro, sed estus interese ekscii la vidpunkton tiurilate de la aŭtorino kaj de IKEL.

Bernard Golden

Mijn beoordeling

Sterren:
VEB-code Wachtwoord (wachtwoord vergeten)

Niet meer dan 250 tekens. Het is mogelijk x-en te gebruiken voor Esperanto-letters. Indien je een fout maakte, geef dan een nieuwe tekst in. De oude zal worden verwijderd.