En epoko kiam pluraj ŝtatoj deziras
forlasi unu aliancon sen membriĝi en
alian, la teorio de neŭtraleco estas tre
aktuala. Kiaj estas la devoj de neŭtrala
lando? Ĉu oni povas labori intime kun
najbaro sur la ekonomia kampo sen
ĝin subteni politike? Ĉu relative riĉa
eŭropa lando povas kunlabori kun la
evolulandoj de la tria mondo? Pri tiaj
demandoj Urho Kekkonen, la Prezidanto de Finnlando, estis spertulo.
Kiel ĉefministro (1950-1956) kaj kiel
prezidanto (1956-1982) li devis gvidi la
eksterlandan politikon de Finnlando,
precipe en ĝiaj rilatoj kun Sovetio. Tion
li faris sukcesege, kaj lia politika testamento al lia certe interesos
multajn en aliaj landoj. Aparte interesa
estas la plena teksto de la traktato pri
amikeco, kunlaboro kaj interhelpo
inter Finnlando kaj Sovetio farita en
Moskvo la 6an de aprilo 1948. Jen
manlibro de „la finna vojo". La verko
estas spicita per proverboj kaj citaĵoj,
kaj la traduko de Osmo Buller estas tre
bona. La fakto, ke oni jam faris hungaran tradukon el la esperanta atestas
ĝian aktualecon.
