La Retbutiko
FEL, ĉiam io nova! Por skribi al ni
Indekso
Aktualaj kaj novaj temojĈefa FEL-indekso
Retbutiko
Eldonoj
Ekspedmanieroj
Via konto
Kiel pagi?
La IBAN-sistemo
Kreditkartoj
Adresŝanĝoj
Privilegiaj klientoj

Spuroj de l' doloro

Retmesaĝo de novaj
FEL ĉe Facebook
FEL ĉe Twitter

Spuroj de l' doloro

Sub tiu ĉi titolo, kiu estas citaĵo el la poemo Sopiro, la bulgara poetino Zora Heide en sep diversaj grupoj kunigis 50 poemojn (plejparte senrimajn kaj sen fiksita metro). Kelkfoje la titoloj mem (ekz. Amiiuzio - La soleco de l' amo - Doloro - Soleco - Malespero) kondukas la legantojn al la fontoj de la doloro, kiun la poetino „prikantas” kiel fundamentan kaj esencan sperton de la homa ekzistado. Certaj poemoj per vigla rakontado aŭ demandado, per simpla kaj laŭnatura esprimado incitas la kunsenton, eĉ la kompaton de la leganto - aliaj, kiuj estas karakterizataj per intelekta, artifika, precioza kaj esotera parolmanieroj kaj per „ekskluzivaj” metaforoj, pli konfuzas, foj-foje eĉ perpleksigas. Al tia malplaĉa efiko kontribuas, ke la aŭtorino ne malofte - laŭ nuntempa moda kutimo - evitas interpunkcion kaj sin limigas je majuskligo de la frazkomencoj; tiamaniere la interna strukturo de la frazoj por la misplezuro de la leganto parte nur per peno travidebliĝas. Ĝenas ankaŭ vortogrupoj kiel al l’ nesto, al l’ rozpetala famo, al l’ lando (pĝ. 38), kie la apostrofita artikolo ne estas prononcebla, sed nur perokule legebla.
Kio antaŭ ĉio distingas la poetinon (kaj kio sekve manifestiĝas en preskaŭ ĉiuj emoj), estas lingvaj lerteco kaj krekapablo - en la poemo Vizio ŝi ekzemple rekte de substantivoj derivas verbojn kiel marioneti, meceni, triumviri, mumii, renesanci, baleti. La liberaj ritmoj de ŝiaj versoj ofte apenaŭ rimarkinde transiras al ritma prozo. Sed ne forgesindas la Miniaturoj, t.e. mallongaj (nur el kvar ĝis ok versoj konsistantaj) poemoj ĉe la fino de la antologieto: estas, por tiel diri, poeziaj aforismoj, kiuj kelkfoje prezentas surprizajn spertojn kaj ekkonojn.

Guido Holz

Mia pritakso

Steloj:
FEL-kodo Pasvorto (pasvorto forgesita)

Ne pli ol 250 signoj. Eblas uzi iksojn por E-literoj. Se vi faris eraron, pritaksu denove. La malnova versio estos viŝita.